Canzone Napoletana

Na voce, na chitarra e ‘o pocco ‘e luna

(C.A. Rossi – E. Calise)

Na voce, na chitarra e ‘o ppoco ‘e luna…
e che vuó’ cchiù pe’ fá na serenata!?

Pe’ suspirá, d’ammore, chianu chiano,
parole doce, pe’ na ‘nnammurata…

“Te voglio bene…tantu tantu bene…
luntano ‘a te nun pòzzo cchiù campá…..”

Na voce, na chitarra e ‘o ppoco ‘e luna…
e comm’è doce chesta serenata…

‘A vocca toja s’accosta cchiù vicina
e tu t’astrigne a me cchiù appassiunata…

Cu na chitarra e nu felillo ‘e voce,
cu te vicino, canto e só’ felice…

“Ammore,
nun pòzzo cchiù scurdarme ‘e te…”

Annunci
Categorie: Canzone Napoletana, Italiano | Tag: , , , , , , , | Lascia un commento

‘O marenariello

(G. Ottaviano – S. Gambardella – 1893)

Oje né’, fa’ priesto viene!
nun mme fá spantecá…
ca pure ‘a rezza vène
ch’a mare stó’ a mená…

Méh, stienne sti bbraccelle,
ajutame a tirá…
ca stu marenariello
te vò’ sempe abbracciá.

Vicin’ô mare,
facimmo ‘ammore,
a core a core,
pe’ nce spassá…

Só’ marenaro
e tiro ‘a rezza:
ma, pallerezza,
stóngo a murí…

Vide ca sbatte ll’onna
comm’a stu core ccá;
de lacreme te ‘nfonne
ca ‘o faje annammurá…

Viene, ‘nterr’a ‘sta rena
nce avimma recrijá;
che scenne la serena…
io po’ stóngo a cantá.

Vicin’ô mare,
facimmo ‘ammore,
a core a core,
pe’ nce spassá…

Oje né’, io tiro ‘a rezza
e tu statte a guardá…
li pisce, pa prijezza,
comme stanno a zumpá!…

E vide, pure ‘e stelle
tu faje annammurá…
ca stu marenariello,
tu faje suspirá…

Vicin’ô mare,
facimmo ‘ammore,
a core a core,
pe’ nce spassá…

Categorie: Canzone Napoletana, Italiano | Tag: , , , , , , , | Lascia un commento

Oilì, Oilà

(S. Di Giacomo – P.M. Costa, 1885)
 
Carmè’, quanno te veco,
Carmè’, quanno te veco,
Carmè’, quanno te veco,
mme sbatte ‘o core…

Dimméllo tu ch’è chesto,
dimméllo tu ch’è chesto,
dimméllo tu ch’è chesto,
si nun è ammore?

Chest’è ammore,
oilí – oilá!
e dincello a mamma toja
si te vò’ fá mmaretá…

Chest’è ammore,
oilí – oilá!
e dincello a mamma toja
si te vò’ fá mmaretá…

Carmè’, dincello…
Nu bellu maretiello
è sempe buono…
Si no tu rieste sola,
sola, sola, e llariulá…
‘a veritá, nce vò’ na cumpagnia,
tricche – tricche, e llariulá…
tricche – tricche, e llariulá…

Comm’acqua a la funtana,
comm’acqua a la funtana,
comm’acqua a la funtana,
ca nun se secca…

Ll’ammore è na catena,
ll’ammore è na catena,
ll’ammore è na catena,
ca nun se spezza…

Nun se spezza…
oilí – oilá!
si se spezza…bonasera,
nun se pò cchiù ‘ncatená!

Nun se spezza…
oilí – oilá!
si se spezza…bonasera,
nun se pò cchiù ‘ncatená!

Carmè’ tu ‘o ssiente?
Nu bellu maretiello è sempe buono…
si no tu rieste sola,
sola, sola, e llariulá…
‘a veritá, nce vò’ na cumpagnia,
tricche – tricche e llariulá!
tricche – tricche e llariulá!

Stu core aggio perduto,
stu core aggio perduto,
stu core aggio perduto,
‘mmiez’a na via…

Tu certo ll’hê truvato,
tu certo ll’hê truvato,
tu certo ll’hê truvato,
bellezza mia…

Ll’hê truvato…
oilí – oilá!
ll’hê truvato e ll’annascunne…
ma vengh’io pe’ mmo pigliá!

Ll’hê truvato…
oilí – oilá!
ll’hê truvato e ll’annascunne…
ma vengh’io pe’ mmo pigliá!

Carmè’, dancíllo!
Nu bellu maretiello
è sempe buono…
si no tu rieste sola,
sola, sola, e llariulá…
‘a veritá, nce vò’ na cumpagnia,

Categorie: Canzone Napoletana, Italiano | Tag: , , , , , , , , | Lascia un commento

Pusilleco addiruso

(E.Murolo – S.Gambardella)

‘Ncoppo Capo ‘e Pusilleco addiruso,
addó’ stu core se n’è ghiuto ‘e casa,
ce sta nu pergulato d’uva rosa…
e nu barcone cu ‘e mellune appise.
…’Ncopp
o Capo ‘e Pusìlleco addiruso.

E nu canario, canta na canzone
‘a dint’a na cajola, appesa fore…
E ll’èllera, s’attacca a stu barcone,
comme nce s’è attaccato chistu core…

Quanno ‘o sole po monte se n’è sciso,
chest’aria fresca se fa cchiù addirosa,
e torna da ‘a fatica Angelarosa,
cu ‘o fascio ‘e ll’erba aret’ê spalle appiso…
…Quanno ‘o sole p
o monte se n’è sciso!

Stámmoce attiente a ‘o segno cunvenuto:
– Barcone apierto: Ce sta ancora ‘o frato
– Perziana scesa: ‘O frato se n’è asciuto…
e ‘appuntamento è sotto ‘o pergulato!…

Categorie: Canzone Napoletana, Italiano | Tag: , , , , , , , | Lascia un commento

Santa Lucia luntana

(E.A.Mario)

Partono ‘e bastimente
pe’ terre assaje luntane…
cántano a buordo:
só’ Napulitane!


Cantano pe’ tramente
‘o golfo giá scumpare,
e ‘a luna, ‘a miez’ô mare,
nu poco ‘e Napule
lle fa vedé…

Santa Lucia!
Luntano ‘a te,
quanta malincunia!
Se gira ‘o munno sano,
se va a cercá furtuna…
ma, quanno sponta ‘a luna,
luntano ‘a Napule
nun se pò stá!

Santa Lucia, tu tiene
sulo nu poco ‘e mare…
ma, cchiù luntana staje,
cchiù bella pare…


E’ ‘o canto de Ssirene
ca tesse ancora ‘e rrezze!
Core nun vò’ ricchezze:
si è nato a Napule,
ce vò’ murí!
 
Santa Lucia!
Luntano ‘a te,
quanta malincunia!
Se gira ‘o munno sano,
se va a cercá furtuna…
ma, quanno sponta ‘a luna,
luntano ‘a Napule
nun se pò stá!

Quanta malincunia!

Categorie: Canzone Napoletana, Italiano | Tag: , , , , , , | Lascia un commento

Tammuriata nera

(E. Nicolardi – E.A.Mario)Io nun capisco, ê vvote, che succede…
e chello ca se vede,
nun se crede! nun se crede!
E’ nato nu criaturo niro, niro…
e ‘a mamma ‘o chiamma Giro,
sissignore, ‘o chiamma Giro…

Séh! gira e vota, séh…
Séh! vota e gira, séh…

Ca tu ‘o chiamme Ciccio o ‘Ntuono,
ca tu ‘o chiamme Peppe o Giro,
chillo, o fatto, è niro, niro,
niro, niro comm’a che!…

‘O contano ‘e ccummare chist’affare:
“Sti fatte nun só’ rare,
se ne contano a migliara!

A ‘e vvote basta sulo na guardata,
e ‘a femmena è restata,
sotta botta, ‘mpressiunata…

Séh! na guardata, séh…
Séh! na ‘mpressione, séh…

Va’ truvanno mo chi è stato
ch’ha cugliuto buono ‘o tiro:
chillo, ‘o fatto, è niro, niro,
niro, niro comm’a che!…

Ha ditto ‘o parulano: “Embè parlammo,
pecché, si raggiunammo,
chistu fatto nce ‘o spiegammo!

Addó’ pastíne ‘o ggrano, ‘o ggrano cresce…
riesce o nun riesce,
sempe è grano chello ch’esce!”

Mé’, dillo a mamma, mé’…
Mé’, dillo pure a me…

Va’ truvanno mo chi è stato
ch’ha cugliuto buono ‘o tiro:
chillo, ‘o fatto, è niro, niro,
niro, niro comm’a che!…

Categorie: Canzone Napoletana, Italiano | Tag: , , , , , , , | Lascia un commento

Torna a Surriento

(G.B. De Curtis — E. De Curtis, 1904)

Vide’o mare quant’e’ bello
spira tantu sentimento
comme tu a chi tiene mente
ca scetato ‘o faie sunna’


guarda gua’ chistu ciardino
siente sie’ sti sciure arance
nu prufumo accussi’ fino
dinto’o core se ne va

e tu dice i’ parto addio
t’alluntane da stu core
da sta terra de l’ammore
tiene’o core ‘e nun turna’

ma nun me lassa’
nun darme stu turmiento
torna a surriento
famme campa’

vide’o mare de surriento
che tesoro tene ‘nfunno
chi ha girato tutto ‘o munno
nun l’ha visto comm’a cca’

guarda attuorno sti ssirene
ca te guardano ‘ncantate
e te vonno tantu bene
te vulessero vasa’

e tu dice i’ parto addio
t’alluntane da stu core
da sta terra de l’ammore
tiene ‘o core ‘e nun turna’

ma nun me lassa’
nun darme stu turmiento
torna a surriento
famme campa’
Categorie: Canzone Napoletana, Italiano | Tag: , , , , , , , | Lascia un commento

Napule è n’ata cosa

testi di Giacomo Della Guardia
 
Ma c’ ‘o dicimmo a ffà:
n’se capisce chiù niente!
Stu munno che cresce e nun sape campà
e vita e ammore nun sò verità…
 
Ma Napule è n’ata cosa
cu ‘a vita ce campa,
cu essa fa ammore
e a tutte ne dà.
 
E ‘a gente se ne vene,
va truvanno ‘o bene,
sì, ma quann’o tene
nun ‘o dà.
 
E pure quanno chiove
nun chiove, ma stracqua.
E scassa, chest’acqua, nun tene pietà;
è vita, ma ‘a vita se porta, pecchè?
 
Ma Napule è n’ata cosa,
‘o tiempo è n’amico:
‘e vvote s’arraggia,
ma male nun fa.
 
Epperò stammece accuorte,
nun è malasciorte
che fa tante muorte:
è ‘a scemità.
 
A legge nun è legge:
caraocchia chi chiagne.
Chi tene, chiù tene, pure ‘a liberta;
a sotto chiù sotto ‘a legge hann’ a sta.
 
Ma Napule è n’ata cosa,
‘a legge perdona:
chi trase po’ iesce
… e tirammo ‘a campà.
 
Pe curà tanta perone
nun ce vò ‘a priggione,
ma cu l’istruzione
se pò fà.
 
Stu munno ca se sbatte,
che curre e stramagna,
se venne e s’accatta pure l’umanità,
e ‘o tiempo nun tene ‘o tiemp’ e passà.
 
Ma Napule è n’ata cosa,
fatica e canta,
nu’ poco è suonno
e nu’ poco è realtà.
 
E ‘o munno va pedenno
tutta ‘a pace e ‘o suonno
ca pure ce vonno
pe’ campà.
 
E però nun c’è perdenza
‘e tene ‘a speranza…
ca ce fa ‘a crianza
. ‘e se salvà.
Categorie: Canzone Napoletana, Italiano | Tag: , , , , , , | Lascia un commento

Era de maggio

(Salvatore Di Giacomo – Mario Costa)

(1885)

Era de maggio
e te cadeano ‘nzino
a schiocche schiocche
li’ ccerase rosse


fresca era ll’aria
e tutto lu ciardino
addurava de rose a ciente passe
era de maggio
 
io no nun me ne scordo
‘na canzone cantavemo a ddoie voce
cchiu’ tiempo passa
e cchiu’ me n’arricordo
 
fresca era ll’aria
e la canzona doce
e diceva core core
core mio luntano vaie
 
tu me lasse e io conto ll’ore
chi sa quanno turnarraie
rispunnev’io turnaraggio
quanno tornano li rrose
 
si ‘stu sciore torna maggio
pur
a magg’ ‘io stongo cca’
si ‘stu sciore torna maggio
pur
a magg’ ‘io stongo cca’
 
si ‘stu sciore torna maggio
pur
a maggio stongo cca’
si ‘stu sciore torn
a maggio
pura maggio stongo cca’
 
e diceva core core
core mio luntano vaie
tu me lasse e io conto ll’ore
chi sa quanno turnarraie
 
rispunnev’io turnaraggio quanno tornano li rrose
e te dico core core
core mio turnatio so’
torna maggi’ ‘e torna ammore
fa de me chello che vuo’!
Categorie: Canzone Napoletana, Italiano | Tag: , , , , , , | Lascia un commento

‘A vucchella

(G. D’Annunzio – F.P. Tosti)

Si comm’a nu sciurillo…
tu tiene na vucchella,
nu poco pucurillo,
appassuliatella.

Méh, dammillo, dammillo,
è comm’a na rusella…
dammillo nu vasillo,
dammillo, Cannetella!

Dammillo e pigliatillo
nu vaso…piccerillo
comm’a chesta vucchella

che pare na rusella…
nu poco pucurillo
appassuliatella…

Categorie: Canzone Napoletana, Italiano | Tag: , , , , , , , | Lascia un commento

Blog su WordPress.com.