Napola Muziko

Jen voĉo, jen gitaro, iom da luno

(C.A. Rossi – E. Calise)
 
Jen voĉo, jen gitar’, iom da luno…
ĉu do jam pli por fari serenadon?
 
por amindum’ suspira, softa softa,
paroloj dolĉaj por la amatino…
 
Mi vin sopiras ame, ame, ame…
kaj for de vi ne povas vivi plu……”
 
Jen voĉo,jen gitar’,iom da luno…
kaj kiel dolĉas tiu serenado…
 
jen via buŝo estas pli proksima
kaj vi brakumas min jam pli pasie…
 
per ĉi gitaro kaj per voĉfadeno,
kun vi apude kantas mi feliĉa….
 
“aminda, ne povas mi forgesi vin…”
Annunci
Categorie: Esperanto, Napola Muziko | Tag: , , , , , , , , | Lascia un commento

La maristeto

(G. Ottaviano – S. Gambardella – 1893)
 
Hej, do, rapide venu!
Tenas min plu sopir’…
ĉar eĉ la reto venas
el mara ĉirkaŭir’…
 
In’, streĉu ĉi braketojn,
min helpu ĉe la tir’…
ĉar jen ĉi maristeto
vin stringu kun dezir’.
 
Apud la maro,
ludu amoro,
koron ĉe koro,
por ĝuplezur’…
 
Mi ‘stas maristo
kaj reton tiras:
gajon sopiras,
kaj mortos mi…
 
Vidu, ke batas ondo
kiel ĉi korobat’;
vin banas larmabundo
ĉar amas mi sen sat’…
 
Sabloborden vi venu
ni mergu nin en ĝu’;
aŭskultas eĉ Sireno…
ĉi kanton mian plu.
 
Apud la maro,
ludu amoro,
koron ĉe koro,
por ĝuplezur’…
 
Ho, jen mi tiras reton
rigardu jam vi nur…
la fiŝoj pro l’ brizeto,
bril-saltas en lazur’!…
 
Kaj vidu eĉ la stelojn
vi igas ami vin…
kaj ĉi maristan koron,
sopiri ja sen fin’…
 
Apud la maro,
ludu amoro,
koron ĉe koro,
por ĝuplezur’…
Categorie: Esperanto, Napola Muziko | Tag: , , , , , | Lascia un commento

Ojla’ , Ojli’

(S. Di Giacomo – P.M. Costa, 1885)
 
 
Karmen’, ĉe via vido,
Karmen’, ĉe via vido,
Karmen’, ĉe via vido,
batas ĉi koro…
 
vi diru kio estas,
vi diru kio estas,
vi diru kio estas,
se ne amoro?
 
Jen amoro,
ojla’ , ojli’ !
Diru ĝin al panjo via
ke edzino iĝu vi…
 
Jen amoro,
ojla’ , ojli’ !
Diru ĝin al panjo via
ke edzino iĝu vi…
 
Karmen’, ŝin diru…
ke edzon vi akiru
ja tute taŭgan…
Se ne, vi restos sola,
sola, sola – larjula’…
Kaj vere ja, necesas do kunulo,
trike – trike, e llarjulá…
trike – trike, e llarjulá…
 
Se akvo de fontano,
Se akvo de fontano,
Se akvo de fontano,
ne iĝas seka…
 
de amo la kateno,
de amo la kateno,
de amo la kateno,
ne iĝas peca…
 
dise peca…
ojla’, ojli’!
Se peciĝas ĝi….. saluton,
ĝin reĉenos ne plu vi!
 
dise peca…
ojla’, ojli’!
Se peciĝas ĝi….. saluton,
ĝin reĉenos ne plu vi!
 
Karmen’, vi aŭdas?
ke edzon vi akiru…
ja tute taŭgan,
Se ne, vi restos sola,
sola, sola, – larjula’…
 
Kaj vere ja, necesas do kunulo…
trike – trike, e llarjulá,
trike – trike, e llarjulá,
 
Ĉi koron mi forperdis,
Ĉi koron mi forperdis,
Ĉi koron mi forperdis,
meze de l’ vojo…
 
Vi certe ĝin ektrovis,
Vi certe ĝin ektrovis,
Vi certe ĝin ektrovis,
ho, mia ĝojo…
 
Vi ĝin trovis…
ojla’, ojlì!
vi ĝin trovis kaj forkaŝas…
ĝin repreni venos mi!
 
Karmen’, vin donu!
al edzo vin proponu
ja tute taŭga…
Se ne, vi restos sola,
sola, sola, – larjula’…
kaj vere ja, necesas do kunulo,
Categorie: Esperanto, Napola Muziko | Tag: , , , , , , | Lascia un commento

Pozilipo parfuma

(E. Murolo – S. Gambardella)
 
Ĉe l’ kabo Pozilipa parfumriĉa ,
ĉe kiu staras dom’ de kor’ feliĉa,
sin trovas vinber-laŭbo tre aroma…
kaj eĉ balkono kun pendaĵ’ melona.
ĉe kabo Pozilipa parfumriĉa.
 
Kaj kanario kantas jen kanzonon
el kaĝo penda sur la mur-ekstero…
ĉi koro ĉirkaŭbrakas la balkonon,
kiel al ĝi sin kroĉas la hedero…
 
Kiam la sun’ transmonte subeniras,
ĉi brizo freŝa iĝas pli odora,
Rozinjo venas el la pen’ labora,
kaj herbofaskon post la ŝultroj tiras…
…kiam la sun’ transmonte subeniras!
 
Ni do atentu pri l’ signala rolo-
balkon’ aperta: restas plu la frato,
ŝutroj fermitaj: for la fratkontrolo…
sublaŭba rendevuo jen la fato!…
Categorie: Esperanto, Napola Muziko | Tag: , , , , , | Lascia un commento

Sankta Luĉia lontana

 
(E.A.Mario)
 
Jen iras la ŝipegoj
al foraj landlontanoj…
Kantas surŝipe:
jam la Napolanoj!
 
Kaj kun la kant-reeĥoj
la golfo forvanuas,
marmeze luno pluas,
Napolon montras ĝi
al ili pli…
 
Sankta Luĉia!
Ja for de vi,
ĉio melankolia!
Ni tra la mondo vagas,
postĉase al fortuno…
Sed ĉe ekbril’ de luno,
ni de Napolo for
kun korsufer’!
 
 
Sankta Luĉia, benoj
‘stas ĉi pecet’ da maro…
Ju pli vi foras, belas,
despli ĉi klaro…
 
Jen kantas la Sirenoj
dum retoteksa rolo!
Riĉon ne volas koro:
Napol-naskite, ĝi
mortu jen ĉi!
 
Sankta Luĉia!
Ja for de vi,
ĉio melankolia!
Ni tra la mondo vagas,
postĉase al fortuno…
Sed ĉe ekbril’ de luno,
ni de Napolo for
kun korsufer’ !
 
ĉio melankolia!
 
Categorie: Esperanto, Napola Muziko | Tag: , , , , | Lascia un commento

Tamburado nigra

 
(E. Nicolardi – E.A.Mario)
 
Mi ne komprenas foje pri gravedo…
kaj ĉe l’ unua vido,
mankas kredo, mankas kredo!
 
Naskiĝis infaneto, nigra viro…
lin panjo nomas Ĝiro,
jes sinjor’, lin nomas Ĝiro…

 

Ve! Ĝiru, turnu, ve…
Ve! Turnu, ĝiru, ve…
 
ke vi nomas lin Antono,
ke vi nomas Peĉjo, Ĝiro,
li naskiĝis nigra viro,
nigra, nigra, nigra, ve…
 
Klarigas la mastrinoj kun sincero:
ne raras ĉi afero,
mil da kazoj sen mistero!
 
Sufiĉis al virino flamrigardo,
kaj ŝi restis sorĉita,
sub la frapo de amardo…
 
Ve! Flamrigardo, ve…
Ve! Nur alsorĉo, ve…
 
Trovu vi la sagpafanton
kiu trafis per deziro:
ja naskiĝis nigra viro,
nigra, nigra, nigra, ve!…
 
Kaj diris la kampul’ ni do parolu,
rezone ni ne solu,
klarigado ĉiam rolu!
 
Jen, kie gren’ semiĝas, greno sprosas…
sukcesas ĝi aŭ fuŝas,
daŭre gren’ sur tero flosas
 
Ve! Prisemado, ve…
Ve, al mi diru, ve…
 
Trovu vi la sagpafanton
kiu trafis per deziro:
ja naskiis nigra viro,
nigra, nigra, nigra, ve!…
Categorie: Esperanto, Napola Muziko | Tag: , , , , , | Lascia un commento

Venu Sorrenton

(G.B. De Curtis — E. De Curtis, 1904)
 
Vidu maron kiom belas!
Senton dolĉan ĝi inspiras,
iun vi pripensas certe
kaj lin veka tenas am’.
 
Jen rigardu ĉi ĝardenon;
flaru ĉi oranĝo-florojn:
ĉi parfumo sen reteno
ĝis la kor’ atingas jam….
 
Kaj vi diras: ” Mi foriras!”
iras for de ĉi korflamo…
de la lando de la amo…
kiam, do,via reven’ ?
 
Sed ne lasu min,
ne donu ĉi turmenton!
Venu Sorrenton,
por mia ben’ !
 
Vidu maron de Sorrento
kun trezoro sur la fundo,
kiu vagis tra mondo
ĝin ne vidis laŭ simil’.
 
La Sirenojn vi rigardu,
alsorĉite vin gapantaj,
al vi ame ili ardu
kaj vin kovrus per kisbril’ .
 
Kaj vi diras: “Mi foriras!”
iras for de ĉi korflamo…
de la lando de la amo…
Kiam, do, via reven’ ?
 
Sed ne lasu min,
ne donu ĉi turmenton!
Venu Sorrenton,
por mia ben’ !
Categorie: Esperanto, Napola Muziko | Tag: , , , , | Lascia un commento

Napolo alias tute


(teksto de Giacomo Della Guardia)
 
Sed kial diri plue:
komprenas ni nulon!
Ĉi mondo kreskanta, sen vivo-sincer’
kaj vivo kaj amo ne estas la ver’…
 
Sed Napolo alias tute
por vivo ĝi vivas,
kun ĝi amon ludas
je ĉies disdon’.
 
Kaj la homoj aferumas,
pri la bono zumas,
jes, se ĝin brakumas
mankas don’.
 
Kaj tamen kiam pluvas
ne pluvas, torentas;
kaj rompas, ĉi akvo sen tim’ kaj kompat’
ĝi vivigas, sed vivon forportas, ĉu do?
 
Sed Napolo alias tute,
vetero amikas:
fojfoje koleras
sed mankas malbon’.
 
Viglu ni kun granda forto
ne estas la fi-sorto
nin pele al morto:
estas la stultec’.
 
La leĝo jam ne leĝas:
ploranto batitas.
Riĉulo eĉ riĉas je multa liber’;
subulon premegu leĝ’ kun sufer’.
 
Sed Napolo alias tute,
la leĝo pardonas:
kaptit’ liberiĝos
… vivu ni en plenec’.
 
Por kuraco de person’
ne taùgas la prizon’,
kun instru’ kaj kon’
floras dec’.
 
Ĉi mondo disbatanta,
kuranta vormanĝe
homaron disvendas, aĉetas en konker’,
kaj tempo ne pasas laŭ tempa sfer’.
 
Sed Napolo alias tute,
laboras kaj kantas,
ĝi sonĝas fojfoje
kaj refoje l’ efektiv’.
 
Plu perdiĝas niamonde
paco, dormo, ronde,
karaj jen ĝisfunde
por la viv’.
 
Tamen do ne estas perdo,
ke l’ espero ardu
kaj afable vartu
nin por la viv’.
Categorie: Esperanto, Napola Muziko | Tag: , , , , , , , | Lascia un commento

Estis en majo


(Salvatore Di Giacomo – Mario Costa)
(1885)
 
 
Estis en majo kaj vin falis sinon
grapol-grapole la ĉerizoj ruĝaj…
freŝis l’aero kaj en la ĝardenon
spiris odore rozoj cent junaĝaj.
 
Estis en majo -ne, mi ne forgesas –
kantante ni kanzonon jen du-voĉis:
ju tempo pasas des pli min agresas
memor’; freŝis l’ aer’, kanzono dolĉis.
 
Kaj ĝi diris: – Koro, koro!
Koro mia, vi foriras;
min forlasas, ĉiuhore
arde al vi mi sopiras!
 
Mi respondis: – mi revenos
kiam floros ĉiuj rozoj,
se ĉi florojn majo tenos
maj-monate venos mi !
 
Revenis mi, kaj nun samkiel foje
ni kantas kune oldan la kanzonon;
la tempo pasas, mond’ iras for-voje,
sed amo vera, ne, ne ŝanĝas tonon.
 
Al vi, beleco mia, mi amsentis,
se vi memoras, antaŭ la fontano:
neniam akvo tie forsilentis
kaj la vundo pro am’ estas malsano!
 
Ĝi ne sanas; se saniĝus
tia vundo, ĝojo mia,
vin rigardi ne stariĝus
mi ĉe dolĉa aer’ tia!
 
Vin mi diras: Koro, koro!
Koro mia, reis mi:
venas am’ kaj majkoloro,
faru kion volas vi !
Categorie: Esperanto, Napola Muziko | Tag: , , , , , | Lascia un commento

La buŝeto

(G. D’Annunzio – F.P. Tosti)
 
‘Stas vi do eta floro
kun buŝo eta eta
kaj iom da koloro
petale velkopreta.
 
Ho, min kisu, min kisadu,
jen kis’ kiel rozeto,
min kisu, min banadu
per kisoj, Karmeneto.
 
Jen kisoj, kisopreto,
jen eta ĉi kiseto,
ja kiel ĉi buŝeto,
 
ĉar ŝajnas ĝi rozeto
nur iom iomete
petale velkopreta.
Categorie: Esperanto, Napola Muziko | Tag: , , , | Lascia un commento

Blog su WordPress.com.